॥ పల్లవి ॥ నిను వీడి నేనుండలేను
యేసయ్యా ... నిను వీడి నేనుండలేను
నా హృదయములో నిను కొలిచెదను
నా పాటతో నిను ఆరాధింతును
యేసయ్యా ... నిను వీడి నేనుండలేను
నీదు ప్రేమ తోటలో ఓ పూవునై పరిమళించాను
నీదు కరుణ సంద్రములో ఓ బాటసారినై పయనించాను
నీలో ఒదిగాను.... నిన్నే పూజింతును
యేసయ్యా ... నిను వీడి నేనుండలేను ॥ యేసయ్యా ||
నీదు రుధిరములో ఓ పాపినై గతియించాను
నీదు త్యాగములో ఓ సాక్షినై ఉదయించాను
నీలో లీనమయ్యాను... నిన్నే ప్రార్థింతును
యేసయ్యా... నిను వీడి నేనుండలేను ॥ యేసయ్యా ||
నీదు ముఖ కాంతిలో ఓ దీపమునై ప్రకశించాను
నీదు ఆలయములో ఓ సంకీర్తనై ఆలపించాను
నీలో తేజరిల్లాను ... నిన్నే సేవింతును
యేసయ్యా... నిను వీడి నేనుండలేను ॥ యేసయ్యా ||